Slán Siúcra

Hello glams,

So tá an blag seo cineálín difriúil. Shocraigh mé blag a scríobh ar an dochar a dhéanann siúcra dár gcoirp mar tuigim na héifeachtaí ar fad!! Dar leis na saineolaithe  is é siúcra ceann de na handúile is deacra a shárú.

Is 'chocoholic' amach is amach mé. Is aoibhinn liom Dairy Milks, Giant Buttons, purple Snack bars agus Nutella dár ndóigh!!

Ach ag an am céanna, ní oireann déirí liom ar chor ar bith. Bíonn tinnis cinn lofa orm nuair a ithim an iomarca siúcra. Thuig me gur b'eigean dom rud eigean a dhéanamh faoin 'addiction' sin ach céard is féidir liom a dhéanamh chun deireadh a chur leis an habit sin?

Anois teacht an tsamhraidh... Bí aclaí agus faiseanta!

Bhuel a Ghlams,

Níl muid anois ach i  bhfoiseacht cúpla seachain ón samhradh agus is dóigh go bhfuil muid ar fad ag déanamh iarrachta a bheith sláintiúil agus aclaí. Uaireanta bíonn sé seo sách deacair, go háirithe má chailleann tú amach ar rang amháin aclaíochta, is féidir leis thú a chur go hiomlán as riocht.

É sin ráite níl tada níos fearr ná an mothú sin a fhaigheann tú tar éis rang maith a bheith déanta agat. Tá mise ag déanamh ranganna Body Attack agus Body Pump anois ó mhí Mhéan Fhómhair agus caithfidh mé a rá, táim ag baint taitnimh astu.(cé go mbím ag iarraidh leithscéalta a fháil uaireanta gan dul ag rang)

Tá aclaíocht go maith do do shláinte, go fisiciúil, chomh maith leis an intinn. Go háirithe agus muid i gcónaí chomh gnóthach inár saoil. Cabhraíonn na ranganna seo liomsa fáil réidh le haon teannas nó strus :)

An blag atá agam an tseachtain seo éadaí giom. Cé nach mbíonn faisean ar d'intinn agat agus tú ag dul ag rang, fós tá sé go deas bróga reatha compóradacha chomh maith le héadaí giom cearta(agus deasa) a bheith ort. Tá an t-uafás roghanna ann na laethanta seo agus tá sé deacair péire bróga reatha a roghnú leis na cinn áille atá ann. Tosóidh mé leo sin ar dtús mar sin:

Ceannaigh

Ceannaigh

Ceannaigh

Ceannaigh

Cultúr, Bia agus an saol i Dubai.. Cuid a dó

Dia Dhaoibh Glams,

Bhuel mar a dúirt mé i mo bhlag deireanach, bhí an oiread le rá agam libh faoi Dubai, mar sin Fáilte romhaibh go dtí Dubai..cuid a dó!!

Sular thug mé aghaidh ar an tír ghleoite, bhí roinnt rudaí nach raibh ar eolas agam maidir leis an gcultúr, tá me chun an deis seo a thapú an t-eolas seo a roinnt ionas go mbeidh sibh níos eolaí ná mar a bhí mé féin agus sibh ag smaoineamh aghaidh a thabhairt uirthi.

Mná agus a gcuid éadaí!
Seo'd an deacracht ba mhó a bhí agam nuair a bhí mé ag pacáil don turas seo! Céard a thabharfainn liom? éadach thar an nglúin, sciortaí fada nó sciortaí gearra, geansaithe nó t-léinte, an ngléasfadh mé suas nó an ngléasadh mé síos!  Is cultúr dhifrúil í an chultúr araibeach agus bhí mé beagánín neirbhíseach roimh réidh, ACH ní raibh gá ar bith leis!! Seo mar a bhí cuid de na rialacha maidir le héadaí agus cuid de na culaith a chaith mé féin!

Má bhíonn tú in áit phoiblí ba chóir duit do ghuaillí a chlúdú, feicfidh tú comharthaí sna hionad siopadóireachta ar nós an ceann seo;

Taistealaí Dubai arais ar thalamh na hÉireann: Cuid a haon!!!

Bhuel níl cliú agam cá dtosóidh mé leis an mblag seo agus tá seans go mbeidh orm é a roinnt ina dhá chuid mar tá an oiread sin le rá agam libh! Ach ar dtús déarfaidh mé WOW WOW WOW!!!!!! DUBAI an chuid den UAE is deise dár leag mé mo dhá shúil ar riamh!!!

Níl a s'agam an cuimhin libh an blag a scríobh mé ag tús na bliana faoi níos mó taitnimh a bhaint as eispéaras éagsúla an tsaoil in ionad a bheith ag ceannacht rudaí ábhartha, mar sin ghlac mé le mo chomhairle féin agus seo mar a chaith mé an saoire seo; ag baint taitnimh as áilleachtaí an domhain sa chathair dhraíochtúil seo.

Tá sé socraithe agam cur síos a thabhairt daoibh ar na radharcanna agus na gnéithe turasóireachta ar fad a thug muid cuairt orthu le seachtain bheag anuas! Cé go dteastódh mí uait é a fheiceáil ina cheart (is leiscéal domsa é sin dul arais arís, ár ndóigh). Tabharfaidh mé cur síos daoibh ar gach a rinne muid!

Sular fhág muid Éire an t-aon rud a chuir muid in áirithe don tseachtain ná Tae Beag san Burj Al Arab an t-aon óstán seacht réalt ar domhan.  Bhí costas thart ar €150 euro an duine ar an tae ach caithfidh mé a rá gur bfhiú é. go mór mór mar go bhfuair muid bord díreach ag an bhfuinneog.  (é sin ráite mura raibh an bord gar don fhuinneog níl a s'agam an mbeadh mé chomh sásta céanna).  Bhí an foirgneamh é féin dochreidte ná bac leis an mbia a bhí ar fáil don tae. Bhí 27 urlár san fhoirgneamh seo agus má fheiceann sibh an dronuilleog ag gobadh amach ó bharr an fhoirgnimh sa phictiút thíos: sin é an bhialann.  Tá cuid mhaith den fhoirgneamh déanta as ór buí agus feictear é seo i gcuid de na pictiúir thíos freisin.  Chaith muid roinnt ama i suite san óstán freisin.  Dá mbeadh an lotta buaite agam d'fhanfainn san óstán seo ar feadh míosa.  Níl dabht ar bith ach gur é seo an highlight a bhí ann don tseachtain.

Ullmhúcháin Bainise!

Hello glams,

Sooo, mar is eol daoibh ag an bpointe seo táim ag fáil pósta an bhliain seo chugainn.  An seachtú lá de mhí Aibreán 2017 chun a bheith níos soiléire!!

Níl ach bliain agam chun gach rud a ullmhú ach caithfidh mé a rá, ní cheapaim go mbeadh níos mó ama ag teastáil uaim. Taitníonn ullmhúcháin de chuile shórt liom agus mar sin táim ag baint an-taitneamh as na hullmhúcháin go léir. Tá na rudaí móra déanta agam; mar shampla tá banna ceoil agus griangrafadóir piocaithe agam. Beidh Sandra Gillen Makeup Artistry ag déanamh ár smidiú agus beidh Natalie O'Brien Bridal Hair ag déanamh ár ngruaig.

Tá cara liom Niamh O'Donovan ó Simple Styling ag obair mar 'Stylist' liom. Is dearthóir tí í agus is stílí í freisin. Tá an t-uafás taithí aici ag obair ar ócáidí móra timpeall na tíre agus táim ag tnúth leis an obair a dhéanfaimid le chéile i rith na bliana.

Tá cúpla smaoineamh againn don téama bainise ach taitníonn an 'Rustic theme' go mór liom. So é sin ráite táim chun cúpla ceann de na smaointe atá againn a roinnt libh!! Is aoibhinn liom 'burlap' agus labhandar freisin. Chomh maith leis sin is breá liom na bláthanna 'Baby's Breath'. Táim ag caitheamh an iomarca ama ar Pinterst agus Etsy agus tá go leor smaointe le fáil orthu seo. Tá gach pictiúr sa bhlag seo faighte ó Pinterest.

    

Cursaí Ti- Ní bheidh aon tinteán mar mo thinteán féin :)

Ó Glams!!!!! is deas suí síos agus blag a scríobh agus sos intinne a fháil ó chúrsaí tithe, péint, úrláir, leithris, soilse, doirse, fuinneoga, tiles.... agus d'fhéadfainn coinneáil orm!!

D'inis mé daoibh i mo bhlag ag tús na bliana go raibh teach á thógáil agam (yep mise ag tógáil tí) agus an plean atá agam inniu ná roinnt smaointe agus ionspráide a thabhairt daoibh ó thaobh cúrsaí tí.

Ar an gcéad dul síos mura bhfuil sibh ar 'Pinterest, leag síos an fón nó an ríomhaire, faigh d'fhón agus íoslódáil é ANOIS!!

Caithfidh mé a rá go bhfaighim an t-uafás tips beaga ó seo agus is aoibhinn liom é. Is iomaí maidin a bhíonn néal orm mar gheall gur chaith mé uaireanta an chloig ag scrolláil.

Ach wow tá an t-uafás i gceist le tógáil tí, now ná ceap nach bhfuilim ag baint taitnimh as mar tá ach nuair atá dhá chineál doras a thaitníonn leat agus ní féidir leat ach ceann a cheannach, tá sé deacair.

Fiacla Nua......Tá Súil Agam :)

Hi a chairde, 

Cén chaoi a bhfuil sibh ar fad? 

So, níl a fhios agam an bhfuil sé tugtha faoi deara agaibh, ach shílfeá go bhfuil Braces ar chuile dara duine na laethanta seo! Agus má leanann sibh ar Snapchat muid tabharfaidh sibh faoi deara go bhfuil mise ar dhuine acu anois!!! 

IKEA an fiú cuairt a thabhairt air?

Haigh glams,

Síofra anseo!! Ar dtús, tá brón orm, tá an blag seo cineálín deireanach.. bhí seachtain ghnóthach agam!!! Bhog mé féin agus Brian ar ais go dtí a theach féin. Bhí árasán deas beag againn in Orán Mór ach táimid ag sábháil don bhainis agus don mhorgáiste! Ní chreidim go bhfuilim ag an bpointe seo i mo shaol! Táim geallta agus ag smaoineamh faoi theach a thógáil!! Gach rud ráite..tá mé chomh exctied faoin todhchaí!

Táimid socruithe isteach anois ceapaim, tá go leor spáis againn i seomrea Brian ach níl a dhótháin stórála ann! So, thug mé féin agus Emma (deirfiúr Brian) cuairt ar IKEA an Déardaoin chun cúpla rud a phiocadh suas!

Ní raibh mé riamh ann ach chuala mé an t-uafás faoi! Is fiú cuairt a thabhairt air gach dabht!! Is féidir leat rudaí áille deasa a fháil ar phraghasanna ísle.

  

Tá na potaí sin an-úsáideach do mo scuabanna simidiú.. Is féidir liom gach rud a choinneál eagraithe agus glan leo!

Is aoibhinn liom na tarraiceáin seo.. Brimnes an t-ainm atá orthu! 78x124cm. €90

Agus táimid chun an vardrús seo a fháil darb ainm Brimnes freisin! Ní raibh aon spás againn sa charr so rachaimid go IKEA arís! Cosnaíonn sé €175 117 x 190cm

Chuir Brian na tarraiceáin go léir le chéile dúinne agus dúirt go raibh treoracha maithe leo

Bhuel, má thugann sibh cuairt ar IKEA seol cúpla snap chugainn!!

Grá mór,
Síofra xxx

Galar an Ghrá.......

Níl dabht ar bith ach go ngíoraíonn beirt bóthar agus mar sin níl aon ionadh go mbíonn muid tógtha le galar an ghrá go minic.  Fair plé do Naomh Vailintín a thug deis dúinn an grá sin a chéiliúradh. Cé go gcreideann roinnt daoine gur bunaíodh an lá seo chun na mná ar fud an domhain a shásamh agus na fir a chuir i mbun oibre agus a rómánsúlacht a thaispeáint, ach ceapaim go bhfuil sé chomh tábhachtach céanna do na mná a ngrá a léiriú freisin!

Níl a s'agam cén tuairim atá agaibh maidir leis an lá seo?? Ní haon "Romantic" mé féin ach is cinnte go gcuireann an lá seo sodar fúinn mar is é seo an féile a thagann aniar aduaidh orainn go minic! Bíonn muid ag iarraidh na gnáth clichés a sheachaint agus muid ag iarraidh brontannais speisialta a thabhairt don duine speisialta sin inár saoil.   Is ar an Luan seo a bhuail an panic mé féin agus shocraigh mé an blag seo a scríobh daoibh.

Na Fir is bréatha sa RBS 6 Náisiún

Dia dhaoibh a chailíní glam, 

Bhuel tá deireadh seachtaine mór amach romhainn a chailíní agus an rugbaí ag tosú ar ais don chomórtas 6 náisiún. Ní chuile dhuine ar maith leo spórt ach caithfidh mé a rá gur breá liomsa an rugbaí agus tá níos mó measa agam ar anois ná a bhí riamh, go háirithe tar éis dom a dhul go dtí An Albain anuraidh nuair a d'imir Éire in aghaidh na hAlban. Ó shin i leith is breá liom é, is breá liom an t-atmaisféar a chruthaíonn sé agus an chraic a bhíonn taobh thiar dó. 

Ar aon nós do na cailíní bochta amuigh ansin nach maith leo spórt agus a bheidh orthu féachaint ar in aghaidh a dtola don chéad chúpla seachtain eile seo liosta don 10 bhfear is deise atá sa tsraith sé náisiún.....(D'fhéadfainn an t-uafás a phiocadh as Sasana, An Bhreatain Bheag, An Albain, An Fhrainc agus An Iodáil, ach a chairde, fanfaidh muid dílis dár bhfir féin anseo in Éirinn)

Ag uimhir a haon caithfidh mé an chéad áit a thabhairt do mo laoch Paul O'Connell. Aon duine a bhfuil aithne mhaith acu orm tá's acu go bhfuil mé i ngrá le Paul O'Connell. Bhí an t-ádh dearg liom bualadh leis anuraidh san aerfort tar éis d'Éirinn an sraith sé náisiún a bhuachan. Landáil mé féin agus mo chairde san aerfort an t-am céanna leis an bhfoireann agus sular fhágamar An Albain casadh orainn an fhoireann ag ceiliúradh san aerfort thall! Is againn a bhí an chraic agus ba bheag nach raibh taom croí agam féin 's na cailíní nuair a chonaiceamar na fir breátha seo ar fad. Mar is eol ón bpictiúr thíos bhí mé scanraithe agus mé i mo sheasamh le taobh an fathach breá ach caithfidh mé a rá gur fear uasal amach is amach é. Is mór an peaca é nach mbeidh sé ar an bpáirc i mbliana, ach le cúnamh Dé beidh sé le feiceáil ar thaobh na páirce in áit éigin! 

Uimhir a hAon: Paul O'Connell

Grá i gcéin grá i gconaí!

Hello glams, cé chaoi a bhfuil sibh? Síofra anseo! 

Athbhliain faoi shéan agus faoi mhaise daoibh go léir! :-)

Táim ar ais ag scríobh tar éis na Nollag, an ceann is fearr a bhí agam riamh! Mar is eol daoibh, b'fhéidir, 'Chuir Brian an cheist mhór' orm Oíche Nollag agus ní chuirfeadh sé iontas orm dá mbeinn cloiste ag daoine i Meiriceá ag screadaíl. Ní raibh mé ag tnúth leis an oíche sin mar bhíomar sa bhaile ag breathnú ar an teilifís agus bhí i mo phitseamaí(glam? NO!! Rómánsúil, BHÍ!) ach bhí sé foirfe. Is fear cúthail é Brian ach rinne sé thar barr an oíche sin caithfidh mé a rá! Ní raibh cailín níos sásta ná mise an oíche sin agus mé ag dul i mo chodladh, bhí mé cosúil le páiste beag ag fanacht ar Dhaidí na Nollag. Is 'fairytale' beag é ár scéal, agus ba bhreá liom é a roinnt libhse!

Mo 2015- Aisling xxx

Dia dhaoibh a chairde,
An gcreideann sibh go bhfuil muid sa bhliain 2016 cheana féin? Ar éigin a chreidim go bhfuil muid leathbealaí tríd mí Eanáir!! Tá blag na seachtaine seo cineál difriúil ó chinn a rinne mé roimhe seo. Is cineál sracfhéachaint ar mo bhliain atá mé chun a thabhairt daoibh anocht! Thíos feicfidh sibh mo chéad selfie den bhliain :)

Bhí bliain den scoth agam caithfidh mé a rá agus tá cúiseanna éagsúla leis sin. An chéad rud is dóigh a tharla dom anuraidh ná gur cuireadh tús le mo theach. Tá mé ag súil go mór le bogadh isteach i mo theach agus tús a chur le haistear nua i mo shaol! Cé go bhfuil sé exciting, tá beagán strus ag baint leis. Bhí an t-uafás cinntí le déanamh agam. Bhí mo chistin le piocadh amach agam agus rudaí eile mar sin. Táim ag ceannach liom de réir a chéile agus bhí na sales go maith dhom.

An rud is deacra is dóigh ná anois, in ionad péire bróga nó gúna nua a cheannach, is minic gur uirlisí nó rudaí i gomhair an tí atá á cheannach agam! Ach is cuma liom, is fiú é agus ciallaíonn sé nach bhfuil mé ag fágáil chuile shórt go dtí an nóiméad deireanach.

Gan dabht, an dáta ba thábhachtaí domsa i mbliain ná an cúigiú lá de Lúnasa nuair a bhunaigh mé fhéin, Síofra, Roseann agus Gearóidín ár mblag 'Gaeilge le Glam'. Is minic agus mé suite síos ar an gcouch agus mé ag cuimhniú a gcuirim an cheist orm féin céard a rinne mé le mo chuid ama roimh Ghaeilge le Glam?? Agus níl a fhios agam beo!! Tógann an blag an t-uafás ama agus pleanáil ach ní athróinn aon rud faoi.

An lá a bhíomar ar chlár 'Róisín'.

Ní bheadh Gaeilge le Glam mar a chéile le haon duine eile.Níl triúr níos fearr ná níos deise le fáil ná an triúr atá agam. Mar sin Roseann, Gearóidín agus Síofra nár laga Dia sibh agus má bhíonn 2015 leath chomh miath le 2016 nach againn a bheas an bhliain!!! Tá mé chun an deis a thapú anseo freisin chun mo chomhghairdeachas ó chroí a chur in iúl arís do Shíofra agus Brian! Is mór an áilleacht sibh agus go mairfidh sibh bhur nuaíocht!!! xxx

Nach álainn iad mo chuid tuismtheoirí agus iad réidh le dul ag bainis. Tá buíochas speisialta ag dul dóibh siúd. Gan iad ní bheinn san áit a bhfuilim. Go raibh míle Mam agus Dad!!

Mé fhéin, mo dheirfiúr Lorraine agus mo mháthair arís gléasta glam i rith na Nollag! 

Freisin tá an t-uafás excitement i gclann Mhic Chormaic i mbliana agus 'Lolly' (mar is fearr aithne uirthi) ag pósadh!! Ag súil le Bealtaine 2016!!:)

An trí ceathrú cuid de Ghaeilge le Glam amuigh le haghaidh dinnéar an tseachtain seo caite!!

Jamie: ceann de mo chuid cairde ón scoil a phós ag an Nollaig. Guím chuile rath uirthi féin agus a fear céile Éanna ina saoil xxx

An óiche a rinneamar moltóireacht ar ghlam an Oireachtais: bhí an-oíche againn!!

An mhaidin agus mé réidh le dul ar 2fm ag caint le Stephen Byrne. Cé go bhfuil meangadh gháire orm, bhí mé chomh neirbhíseach!

mé fhéin agus an 'Main Man'.

Oíche randamach i rith an tsamhraidh! An ceathrar againn ag caitheamh top bán agus jeans agus ní raibh sé pleanáílte!!!

Turas eile go Londain le mo chuid cailíní beaga!!

Pictiúr eile ó Londain, Bealtaine 2015!

An dara oíche i Londain!

Cara eile liom a phós i mí Aibreáin agus a raibh mé mar chailín cuideachta aici! NoraAnn agus Maitiú go dtuga Dia saol sona, sásta agus sláintiúil daoibh le chéile!

Pictiúr a tógadh anuraidh freisin ar oíche eile ar na tiles!!!

Caithfidh mé críoch a chur leis an mblag ansin sula dtosóidh na deora ag titim ,níl a fhios agam cén fath ach bhí mé sách emotional ag scríobh an bhlag. Is dóigh mar go dtugann siad cuimhní áille agus cuimhní saoil chun cuimhne!!

Sin a bhfuil anocht

grá mór

Aisling

xxxx